Gure sarea

Euskal Trenbide Sareak Euskadiko Autonomia Erkidegoaren esku dauden trenbide azpiegiturak kudeatzen eta administratzen ditu. Horrez gain, dagoen trenbide sarearen kontserbazio egokia bermatzeko, azpiegitura berrien eraikuntzarekin, dagoeneko existitzen direnen modernizazioarekin eta hobekuntzarekin, segurtasun eta telekomunikazio instalazioekin eta trenbide pasaguneak kentzearekin eta hobetzearekin erlazionatutako jarduketa guztiak gauzatzen ditu.

Jarduketa horiek Eusko Jaurlaritzak eskatuta egiten dira, trenbideko trafikoaren kalitatea, gaitasuna eta segurtasuna hobetzeko xedez.

ETSren sarea 200 kilometro da luze. Horietatik 65 kilometro trenbide bikoitzekoak dira, eta gainerako 134ak trenbide bakarrekoak. Linea luzeena 108 kilometro dituen Bilbo-Donostia da, 1882an eraikitakoa; halaber, Bilboko Trenbide Metropolitarreko 3. linea, Txorierriko linea, Amorebieta-Bermeo adarra eta Topo ezizenez ezagunagoa den Donostia-Hendaia linea ere kudeatzen ditugu. ETSren ondarearen barruan dago, baita ere, Urolako adarra izandakoa. Bertatik, gaur egun, Burdinbidearen Euskal Museoaren lurrun tren turistikoak baino ez du zirkulatzen, Azpeitia - Lasao tartean. ETSren sareak 81 geltoki ditu.