Salburuko tranbia

ets salburua portada

"Eusko Jaurlaritzatik Vitoria-Gasteizerako mugikortasun elektriko sistema berrian ari gara lanean, tranbia izanik ardatz integratzailea, garraio modu desberdinen intermodalitatea indartuz, informazioaren kudeaketa hobetuz, teknologia gehiagorekin eta hobearekin eta CO2 isurketak murriztuz"

2,5 kilometroko trazatu berriaren eraikuntzak 70.860 metro karratuko urbanizazio berria ekarriko du. Horietatik ia 22.000 tranbiaren trazatuari eta bost geralekuei dagozkie. Proiektua egikaritzearen ondorioz, udal bidegorri sarea 2.390 metro luzeagoa izango da. Espazioaren gainerakoa, Eusko Jaurlaritzak eta Vitoria-Gasteizko Udalak adostutako jarraibideen arabera urbanizatuko da. Gainera, trazatu berriaren %95ean, tranbiak bide berdetik zirkulatuko du.

Trazatu berriaren lotunea Florida, Herran eta Las Trianas kaleek bat egiten duten puntuaren inguruan dago. Tranbia Unibertsitatera luzatzeko lanek maniobretarako mahuka bat prestatu dute bertan. 0+200 K.P.an trazatua, Calasanz – Escolapios ikastetxearen itxidurarekin paraleloan doan iparraldeko galtzadaren gainera sartzen da, eta tranbiaren plataformak galtzada hori okupatuko du.

Florida eta Jacinto Benavente kaleen intersekzioan dagoen biribilgunean, trazatuak eskuinerantz egiten du pixka bat, 230 metroko zuzenguneari bidea emateko. Bertan dago lehenengo geltokia, nasak alboetan eta katenariaren zutabeak erdian dituen Santa Luzia, Vicente Alexandre kalearekin intersekzioan dagoen biribilgunea zeharkatu aurretik.

Tranbiak Florida kaleko iparraldeko galtzadatik jarraituko du, eta Astronomoen kaleko intersekzioan dagoen biribilgunea igaro ondoren, trazatua Iliadako Pasealekuan sartuko da. Bigarren kale horretan dago tarteko bigarren geltokia, Iliada. Geltoki horrek ere nasak alboetan eta katenariaren zutabeak plataforman zentratuta ditu.

90 graduko bira egin ostean, tranbiaren plataforma bulebarreko mendebaldeko galtzadaren gainera doa, 645 metroko lerrokadura zuzenean. Bertan egongo dira Nikosia eta La Unión geltokiak.

Ondoren, tranbiaren plataformak La Unión plazako biribilgunea zeharkatu, Salburuako Bulebarreko tarteko galtzadatik aurrera egin, ibilbidea Aerodromoko Pasealekuko oinezkoentzako gunetik jarraitu, zenbait bidegurutze igaro eta, amaitzeko, Juan Carlos I Etorbideko erdibitzailearen gainean dagoen pasealeku eta lorategi eremuaren gainetik doa. 

Amaierako geralekua, Salburua, auzoaren erdialdean dago, gutxi gorabehera, Juan Carlos I Etorbidearen erdian.

Onurak

konexio ikonoa

Konexio hobeagoa

Linea luzatzean hobetu egingo da Judimendi, Santa Luzia eta Salburua inguruaren eta hiriaren erdialdearen eta iparraldearen arteko lotura. Halaber, auzo horiek autobus geltoki berriarekin eta Unibertsitateko adarraren hegoaldeko luzapenarekin lotzeko aukera emango du.

iraunkortasun ikonoa

Jasangarria

Tranbia batek hiru autobusek eta 130 ibilgailu partikularrek adina pertsona garraiatzeko ahalmena du, ibilgailuak baino 15 bider energia gutxiago kontsumituz eta CO2 zero emisiorekin.

irisgarri ikonoa

Irisgarria

Nasetarako sarbidea zuzenean kaleko mailatik edo arrapalen bitartez. Geltokiek eserlekuak, babeserako markesinak eta makina automatikoak dituzte.

ets salburua onurak irudia
ets salburua informazio irudia

Intereseko bestelako informazioa

Linea berriari esker, inguru horretako 13.700 biztanlek tranbia geraleku bat izango dute euren etxeetatik bost minutu baino gutxiagora, eta beste 18.300ek hamar minutu baino gutxiagora. Luzapenak hartuko duen guneak 27.700 biztanle inguru ditu gaur egun, eta etorkizunean 37.000 biztanle izango dituela aurreikusten da.

Euskal Trenbide Sarearen kontratazio mahaiak UTE Tecsa Altuna y Uria ABEEari esleitu dio Gasteizko tranbia Salburuara luzatzeko lanen esleipena. Proiektuak 24 hilabeteko egikaritze epea du. %65 Eusko Jaurlaritzako Ekonomiaren Garapen eta Azpiegitura Sailak finantzatuko du, eta gainerako %35a erdibana ordainduko dute Vitoria-Gasteizko Udalak eta Arabako Foru Aldundiak.

Datu interesgarriak

tarte ikonoa

Tartea

Tarte berriak bost geraleku izango ditu: Santa Luzia, Iliada, Nikosia, La Unión eta Salburua

konexio ikonoa

Luzapena eta Konexioa

Jarduketaren barruan, Florida kalean dagoen bidegorria luzatzea eta Jacinto Benaventetik doanarekin lotzea jasotzen da.

tranbia ikonoa

Erabiltzaileak

Vitoria-Gasteizko tranbiak erabilera eta balorazio marka guztiak gainditu ditu: 8,3 milioi erabiltzaile 2019an.

Azken aldaketako data: